Իրանի բարձր տեխնոլոգիաների նախարարությունը դիմել էր DMS-ին, որպեսզի օգնենք իրենց թվային հարթակներում առաջխաղացնել հայկական և իրանական կազմակերպությունների համար նախատեսված B2B միջոցառումը՝ գեներացնելով պոտենցիալ գործընկերների ցանկ հայկական շուկայից։
Իրան-Հայաստան B2B միջոցառումը համատեղ ծրագիր էր՝ ուղղված երկու պետությունների տարբեր ձեռնարկություններ միավորելուն: Գրեթե 30 կազմակերպություններ ծրագրում էին այցելել Հայաստան՝ հայկական կազմակերպությունների հետ բիզնես հանդիպումներ անցկացնելու նպատակով: Ծրագրի վերջնանպատակը 2 պետությունների միջև կայուն հարաբերություններ հաստատելը և ձեռնարկություններին՝ վերընթաց և վարընթաց համագործակցությունների համար գործընկերներ գնտելու գործում օգնելն էր:
Այսպիսով, ծրագրի հաջողության գրավականը նախանշված ոլորտներում մեծ քանակությամբ ձեռնարկությունների մասնակցությունն էր:
Միջոցառման մասին ավելի մանրամասն կարող եք տեղեկանալ՝ կարդալով IFP News-ի հոդվածը, որն Իրանի՝ Մշակույթի և իսլամական կողմնորոշման նախարարության կողմից պաշտոնապես լիցենզավորված լրատվական գործակալություն է:
Մեծագույն խնդիրը, որի հետ բախվեցինք այս ծրագրի վրա աշխատելիս, ժամանակն էր կամ դրա պակասը: Կազմակերպիչները մեզ դիմել էին միջոցառումից մեկ շաբաթ առաջ՝ «փրկության» գրեթե զրոյական հույսով, քանի որ որոշակի խնդիրներ կային, մասնավորապես՝ ծրագրով հետաքրքրված ձեռնարկությունների գրանցման գործընթացի հետ կապված: Բացի այդ, B2B ծրագրի համար հաճախորդներ ներգրավելը շատ ավելի բարդ է, քան՝ B2C հաճախորդներ, ուստի գործ ունեինք ավելի մեծ դժվարությունների հետ:
Ունեինք ընդամենը 1 շաբաթ՝ մեր գովազդային արշավներով 40 պոտենցիալ ձեռնարկություններ գտնելու համար, որոնք պետք է լինեին ներքոշարադրյալ ոլորտներից՝
Ինովացիոն սարքավորումներ և մեքենաներ,
Առաջադեմ հումք,
Բիոտեխնոլոգիա – Բժշկություն,
Էլեկտրականություն և էլեկտրոնիկա,
Տեղեկատվական տեխնոլոգիաներ և հաղորդակցություն,
Ներդրումային ֆոնդեր,
Բժշկական սարքավորումներ:
Բացի այդ, որպեսզի հանդիպումներն արդյունավետ լինեին, ձեռնարկությունները նույնպես պետք է համատեղելի լինեին: Օրինակ՝ ՀՀ-ում ախտահանիչ հեղուկ արտադրող մի կազմակերպություն ցանկանում է հանդիպել մեկ այլ կազմակերպության, որը կցանկանա արտադրական սարքավորումներ վարձակալել, երբ դրանք չեն օգտագործվում:
Եվ հաջորդ դժվար հանգամանքը կայանում էր նրանում, որ պետք էր ապահովել յուրաքանչյուր կազմակերպության համար նվազագույնը 3 հանդիպում՝ ոլորտային ծանոթությունների համար:
Սկզբում մենք երկու մոտեցում որդեգրեցինք՝ A/B փորձարկում անելու և տվյալ դեպքի համար դրանցից ամենահամապատասխան տարբերակն ընտրելու համար: Առաջին տարբերակը Lead Generation գովազդներ օգտագործելն էր, իսկ երկրորդը՝ լսարանին Landing էջ ուղարկելը:
Գովազդները փորձարկելու հարթակների համար ընտել էինք երկու տարբերակ։ Instagram-ում և Facebook-ում մենք թիրախավորեցինք անձանց՝ ելնելով նրանց մասնագիտությունից և զբաղմունքից, օրինակ՝ մեր կողմից սույն հոդվածում արդեն նշված ոլորտներում գործադիր ղեկավարների: Իսկ մյուս գովազդներ տեղադրելու հարթակը Google Display-ն էր: Այս դեպքում, սակայն, մենք չթիրախավորեցինք անհատների, այլ որոշեցինք ցուցադրել գովադներն այն կայքերում, որոնք սովորաբար ունենում են թիրախավորված ոլորտների մասնագետների կողմից առավել բարձր ներգրավվածություն և հետաքրքրություն: Այդպիսի կայքերի շարքում կարող ենք նշել Banks.am, News.am, B4B.am, B24.am կայքերը և այլն:
Նախնական փորձարկումից հետո մեր ընտրած առաջին տարբերակը, այն է՝ Lead Generation գովազդները, շատ ավելի լավ արդյունք տվեց, որի պատճառով էլ մնացած ամբողջ ժամանակահատվածում մենք շարունակեցինք օգտագործել գովազդի այս տեսակը։ Որպեսզի բարձրացնենք գովազների արդյունավետությունը, մենք այնուհետև վերաթիրախավորեցինք սկզբնական խմբի այն անձանց, ովքեր այցելել էին կայք, սակայն չէին գրանցվել: Վերջինիս նպատակը կայանում է նրանում, որ դրա շնորհիվ նեղացվում է շրջանակն այն անձանցով, ովքեր ի սկզբանե հետաքրքված էին ծրագրով, սակայն ինչ-ինչ պատճառներով, չնայած հետաքրքրվածությանը, չէին գրանցվել դրան:
Ճիշտ ընտրված գովազդները տվեցին սպասելիից ավելի արդյունքներ։ Արշավի արդյունքում ունեցանք 3804 կայքի այցելություն։ Առաջնային խնդրանքը, որ ստացել էինք, 40 իրական ձեռնարկություններ գրանցելն էր, որոնք կհամապատասխանեին ծրագրի B2B հանդիպումների չափանիշներին: Այնուամենայնիվ, մենք կարողացանք գրանցել 80-ից ավել կազմակերպություններ (100% աճ), որից 61-ը ներկա էին միջոցառմանը: Գրեթե 150 հանդիպումներ տեղի ունեցան. արդյունք, որը գերազանցեց իրանցի կազմակերպիչների սպասելիքները:
Մեր ամենամեծ ձեռքբերումը, որը կցանկանայինք նշել, հարաբերությունները և կապերն էին, որ ստեղծվեցին հանդիպումների արդյունքում և ձեռնարկատիրական հեռանկարները, որոնք բացվեցին բազմաթիվ հայկական կազմակերպությունների առջև, որ շուկայում իրենց դիրքը ամրապնդելու նպատակով գործընկերներ էին փնտրում: