Mikro Kapital-ը ֆինանսական ծառայություններ մատուցող ընկերություն է՝ նպատակաուղղված բիզնեսների` միկրո ձեռնարկություններից մինչև փոքր և միջին ձեռնարկությունների աճին և զարգացմանն օգնելուն: Մեր առջև դրված էր երկու խնդիր՝ անհրաժեշտ էր փոխել թվային մարքեթինգի ռազմավարությունն այնպես, որ վարկերի դիմումների թվի աճ գրանցել։
Համար մեկ խնդիրը, որի առաջ կանգնել էր Mikro Kapital-ը, սոցիալական ցանցերի միջոցով վարկերի դիմումների ավելի քիչ լինելն էր՝ ի տարբերություն գովազդի այլ միջոցների արդյունքների՝ ռադիո, վահանակներ, նախկին հաճախորդներ և այլն: Ուստի, անհրաժեշտ էր գտնել վարկին դիմելու ընթացակարգը կազմակերպեու եղանակ, և այն տարածել ձեռնարկատիրական գործունեություն ստեղծող և զարգացման տարբերակներ փնտրող գործարարների ավելի լայն շրջանակում:
Mikro Kapital-ի հաջորդ կարևորագույն խնդիրը այդ ծառայություններին մարդկանց դիմելու եղանակն էր ․ շատ հաճախ մարդիկ խնդրում էին մանրամասներ կամ ցանկանում էին գրանցվել Mikro Kapital-ի սոցիալական ցանցերի հրապարակումների տակ մեկնաբանություններ թողելով, կամ Facebook-յան էջին անձնական նամակներ գրելով: Այս ընթացակարգը արդյունավետ չէր, քանի որ հայտերի ընդհանուր քանակը քիչ էր, ինչպես նաև թերի լինելու պատճառով՝ բարդ էր հայտերի մշակման փուլը։ Այդ իսկ պատճառով, Mikro Kapital-ի վաճառքի բաժինը ծանրաբեռնված էր, և շատ բարդ էր բոլոր դիմումները մեկ տեղում հավաքագրել:
Որոշ ժամանակ մտածելուց հետո որոշեցինք բազմակողմ և բազմաքայլ մոտեցում որդեգրել՝ վերոհիշյալ խնդիրները լուծելու համար:
Առաջին հերթին, Mikro Kapital-ի գովազդները ընկերության համար չէին ապահովում ակնկալվող արդյունքները: Հաճախորդները տեսնում էին գովազդները և գրում մեկնաբանություններ՝ ցանկանալով դիմել վարկ ստանալու կամ մանրամասներ ճշտելու համար: Այդ իսկ պատճառով, մենք բոլոր դրվող գովազդների նպատակները դարձրինք «կայքի այցելություն» և տեղադրեցինք հղում դեպի Mikro Kapital-ի կայք:
Ի հավելումն դրա, վարկերով հետաքրքրված անձանց ուշադրությունը գրավելու համար՝ հղումները հատուկ ընտրեցինք դեպի ամենացանկալի ծառայություններ, այդ թվում՝ առանց գրավի, գրավով ապահովված, կամ ավտոմեքենան՝ որպես գրավի առարկա վարկերի: Այսպիսով, կարիք չկար մեկնաբանություններում վարկերի մասին հավելյալ մանրամասներ հարցնելու. նրանք կարող էին պարզապես սեղմել հղմամբ և տեսնել մանրամասներն ինքնուրույն: Միևնույն ժամանակ, եթե անձինք այդուհանդերձ մեկնաբանություն գրեին հրապարակումներից մեկի ներքևում, բոտը (Ինտերնետում կամ որևէ այլ ցանցում ավտոմատ կերպով աշխատող ծրագիր, որը կարող է հաղորդակցվել այլ ծրագրերի կամ օգտատերերի հետ) նրանց ավտոմատ կերպով կուղարկեր նամակ՝ պատասխանելով հաճախորդի հարցերին:
Երկրորդ փուլում որոշեցինք լուծել հաճախորդներին արդյունավետ և սահուն կերպով ներգրավելու խնդիրը: Հիշյալ խնդրի լուծումներից մեկը, որն էլ որ ընտրեցինք, lead generation գովազդներ օգտարգործելն էր, որոնք ընկերության CRM համակարգին կցեցինք Zapier-ի միջոցով: Այսպիսով, անձինք, տեսնելով գովազդը, հնարավորություն ունեին անմիջապես գրանցվելու lead generation գրանցման ֆորմայի միջոցով և կարիք չունեին մեկնաբանություններ գրելու՝ պարզելու, թե ինչպես կարող են վարկ ստանալու համար դիմել, և սպասել, որպեսզի որևէ անձ իրենց օգնի: Վերջիններիս կողմից ներկայացրած տվյալներն ավտոմատ կերպով կապվում էին ընկերության Customer Relationship Management համակարգին, որտեղ պահվում էր իրենց հաճախորդների տվյալները: Այս ընթացակարգը այն աստիճանի էր ավտոմատացված, որ Mikro Kapital-ի Վաճառքի անձնակազմը միայն պետք է զանգեր կատարեր և վերջնական տեսքի բերեր հաճախորդների՝ վարկունակության հարցը:
Բացի այդ, գովազների թիրախավորման համար մենք օգտագործեցինք մի քանի մոտեցում՝
Միաժամանակ օգտագործում էինք Google-ի որոնողական համակարգի գովազդներ, որպեսզի, օրինակ՝ բիզնես վարկ կամ այլ բանալի բառեր փնտրող մարդիկ, առցանց որոնումների ժամանակ հանդիպեին Mikro Kapital-ի գովազդին : Այս գովազդում կրկին կիրառեցինք նաև retargeting-ը։
Մեր գործառնությունների վերջին փուլը chat-բոտեր ստեղծելն էր: Վերջիններս դարձան ամբողջական ծառայության մատուցման գործիք, որտեղ օգտատերը կարող էր ցանկացած բան իմանալ՝ կապված վարկերի, դրանց տրամադրման պայմանների մասին և առանց կայք այցելելու մեսսենջերով դիմել վարկ ստանալու համար: Վերջինս կրկին ավտոմատացված էր և միացված Mikro Kapital-ի CRM համակարգին՝ պրոցեսը դարձնելով հեշտ և ամբողջական հաճախորդի և վաճառքի մասնագետների համար:
Միևնույն ժամանակ, բրենդի վերաբերյալ տեղեկացվածությունը բարձրացնելու նպատակով Mikro Kapital-ի համար բացեցինք Youtube-յան ալիք, որտեղ տեղադրեցինք բացատրական տեսանյութեր՝ բարձրացնելով բրենդի հանդեպ վստահությունը և համընդհանուր ճանաչումը:
Վերոհիշյալ գործառնությունների արդյունքում Mikro Kapital-ը որակավորված պոտենցիալ հաճախորդների աճ գրանցեց: Ի հավելումն դրա, քանի որ Վաճառքի բաժինը արդեն հնարավորություն ուներ առավելապես ուշադրությունը կենտրոնացնել այդ պոտենցիալ հաճախորդներին վաճառքի ձագարով ուղղորդելու վրա, վարկ ստանալու դիմումները աճեցին 25 %-ով: Վերջապես, վարկերի գումարային ծավալն աճեց 33.5 %-ով: Գովազդային գործառնությունների վերագործարկման մարտավարությունը նաև հանգեցրեց կայքէջի այցելուների թվի աճին: