Արդեն որոշ ժամանակ է, ինչ story-ները սոցիալական մեդիայի տարբեր հարթակներում լայն լսարաններ են հավաքում։ Դրանց օգնությամբ բրենդերն ու օգտատերերը հնարավորություն են տալիս իրենց հետևորդներին սահմանափակ ժամանակում հաղորդակից լինել իրենց առօրյայի որևէ պահի: Չնայած Instagram story-ների օգտագործումը հասարակ օգտատերերի կողմից շատ մեծ տարածում ունի, սակայն շատ բրենդեր դեռ փնտրում են տարբեր ճանապարհներ այս գործընթացի կամ ավելի ճիշտ հոսանքի մասը դառնալու համար: Եթե դուք էլ եք ներկայացնում որևէ բրենդ, որ դեռ չի հասցրել story-ների գնացքում հայտնվել, ապա դուք հաստատ շատ կարևոր բան բաց եք թողել:
Instagram-ի story-ներն ի հայտ եկան 2016 թվականից: 2016-ի հոկտեմբերին դրանց օրական ակտիվ օգտվողների քանակը մոտ 100 միլիոն էր։ Փաստացի, Instagram-ի story-ների աճը մինչ այժմ չի նվազել՝ հասնելով օրական մոտ 400 միլիոնի: Իրականում սա այդքան էլ զարմանալի չէ, քանի որ կարճ հոլովակները դարձել են սոցիալական մեդիայի ամենաօգտագործելի ու ամենասիրելի գործիքը
Instagram story-ների օրական ակտիվ օգտվողների թիվը: Աղբյուրը՝ statista.com
Այնուամենայնիվ, երբ հարցը հասնում է նոր ձևաչափերին, հաճախ բրենդերն ուղղակի տանջվում են իրենց օգտատերերի պահանջներին համընթաց շարժվելու համար: Շատ բրենդեր են իրականում գիտակցում, որ story-ներն ամենավերջին թրենդերից են, բայց չեն կարողանում որոշել՝ արդյո՞ք story-ներն ավելի կարևոր են, քան այն ռեսուրսները, որոնք օգտագործվում են դրանք ստեղծելու համար: Չէ՞ որ այդ story-ները պահպանվում են ընդամենը 24 ժամ:
Ինստագրամի սթորիները օրգանիկ հրապարակումների հետ համեմատելու համար Socialbakers-ը կատարել է ուսումնասիրություն։ Դիտարկվել են Ինստագրամի ավելի քան 1100 բիզնես էջ։ Արդյունքը միանշանակ է․ այս կարճ հոլովակներն ունեն շատ մեծ պոտենցիալ։
Socialbakers-ի ուսումնասիրությունը ցույց է տալիս, որ բրենդերն այնքան էլ ակտիվ չեն օգտվում այս նոր գործիքից։ Նրանց հրապարակած սթորիների և օրգանիկ հրապարակումների համեմատական թիվը գրեթե նույնն է։ Այն դեպքում, երբ շատերն օրվա ընթացքում հրապարակում են տասնյակ սթորիներ, բրենդերի մոտ սթորիների քանակն ընդամենը 8%-ով է գերազանցում օրգանիկ հրապարակումների քանակին։
Instagram story-ների և օրգանիկ հրապարակումների օգտագործումը բրենդերի կողմից։ Աղբյուրը՝ socialbakers.com
Story-ների կարճ «կյանքի» պատճառով՝ դրանց դեպքում բրենդերը պետք է հատուկ KPI-ներ սահմանեն։ Ի տարբերություն օրգանիկ հրապարակումների, որտեղ որպես հիմնական նպատակ կարող են լինել մեկնաբանություններն ու հավանումները, այստեղ չափորոշիչներն այլ են: Հաճախ սթորիներն այնքան կարճ են, որ մարդիկ չեն հասցնում մեկնաբանություն թողնել։
Այսպիսով՝ ի՞նչ է պետք հաշվարկել, երբ հերթը հասնում է Instagram-ի story-ներին: Այս դեպքում ամենակարևոր ցուցանիշները Reach-ն ու Impressions-ն են։ Reach-ը ցույց է տալիս, թե քանի անձ է դիտել ձեր հրապարակած սթորին, իսկ Impressions-ը ցույց է տալիս, թե ընդհանուր առմամբ քանի անգամ է դիտվել այն։
Ըստ ուսումնասիրության՝ բրենդերի story-ները մեծ ազդեցություն են ունենում վերջնական Impression-ների վրա, չնայած այն փաստին, որ օրգանիկ գրառումները դեռևս ապահովում են բրենդերի հիմնական հասանելիությունը (reach)։ Այնուամենայնիվ, մենք չենք կարող արհամարհել այն փաստը, որ գրառումների և story-ների կյանքի շրջանը տարբեր են, այսպիսով իհարկե, համեմատությունը 100%-ով արդար չէ:
Instagram story-ների և օրգանիկ հրապարակումների համեմատությունն ըստ impression-ների։ Աղբյուրը՝ socialbakers.com
Այստեղ կարող եք տեսնել, որ գրառումները ստանում են բրենդերի Impression-ների 81%-ը, իսկ ահա story-ները՝ մոտավորապես 19%-ը: Հիմա դուք հավանաբար մտածում եք, որ 19%-ը բավարար չէ, որպեսզի դուք սրանով զբաղվեք, բայց մի շտապեք հետևություններ անել։
Ուսումնասիրությունը ցույց է տալիս, որ վերլուծված բրենդերի Impression-ների 1/5-ը գալիս է բացառապես story-ներից: Սա իրականում մեծ բաժին է, մանավանդ եթե հաշվի առնենք, որ սա ամբողջովին օրգանիկ է, որին հասնելը գնալով ավելի ու ավելի դժվար է դառնում:
Օրգանիկ հասանելիությունը սոցիալական մեդիայում գնալով ավելի ու ավելի դժվար է դառնում: Բրենդերն այժմ ստիպված են ավելի մեծ ռեսուրսներ ծախսել, որպեսզի ստեղծեն գրավիչ և ներգրավվածություն ապահովող կոնտենտ։ Այս պայմաններում story-ները հրաշալի գործիք են հավելյալ օրգանիկ հասանելիություն ապահովելու համար։
