Երբ նոր արշավ ես մեկնարկում թվային հարթակներում, խնդիրներից մեկը, որի հետ առընչվում ես, արդյունավերտությունը չափելն է։ Սակայն տարբեր հարթակների կողմից առաջարկվող արդյունավետությանը հետևելու տարբերակները, օրինակ Google Analytics-ը, ընդհանրացնում են այցելություններն՝ առանց դրանց աղբյուրը հաշվի առնելու: Սա նշանակում է, որ ի վերջո ունենում եք արշավի ամբողջական պատկերը, սակայն ոչ դրա առանձին բաղադրիչները: Այդ իսկ պատճառով էլ չեք կարողանում հասկանալ, թե որ հարթակներից, արշավներից կամ էջերից են գալիս այցելությունները դեպի կայք: Արշավի ամբողջական պատկերին հետևելու տարբերակներից մեկն իրագործվում է UTM Tag-երի միջոցով:

Ի՞նչ են իրենցից ներկայացնում UTM կոդերը

UTM-ը` Urchin Traffic Monitor, թեգ է, որն ավելացնում ենք կայքի հղման վերջում, և որն օգնում է հետևել, թե տվյալ կայքի այցելությունները, որ հարթկաներից կամ արշավներից են եղել։ Այսպիսով, տեղադրելով տարբեր հղումները համապատասխան թեգերով տարբեր հրապարակումներում, տեսնում եք դրանց այցելությունների աղբյուրը Ձեր Google Analytics-ում, Yandex Analytics-ում և այլն:

Օրինակ, եթե ցանկանում եմ այս բլոգը տարբեր հարթակներից (Facebook, Instagram, Google ads և այլն) գովազդել տարբեր ցուցադրման վայրերում (լրահոս, աջ սյունյակ, սթորիներ), իրական հղումը կվերածեմ UTM Tag-եր ներառող URL-ի և այն կտեղադրեմ համապատասխան գովազդի մեջ։

Այս բլոգի URL-ը հետևյալն է.

https://dms.am/blog/UTM-Tags

Նույն բլոգի URL-ը, որը գովազդվում է IG-ում՝ կայքի դիտումների նպատակով կլինի հետևալը.

https://dms.am/blog/UTM-Tags?utm_source=ig_ads&utm_medium=lpv&utm_campaign=blog_11

Այժմ եկեք թեգերն իրենց բաղադրիչների հետ վերլուծենք, որպեսզի հասկանանք՝ ինչպես և ինչու ենք ավելացրել թեգի հավելյալ մասը և ինչ է այն նշանակում։

UTM թեգի բաղադրիչները և ինչպես դրանք կառուցել

Թեգերը բաղկացած են հիմնական URL-ից և 3 պարտադիր բաժնից:

1. UTM_Source․ այս մասում նշվում է այն հարթակը, որտեղ գովազդը տեղադրվելու է:

Հետևաբար, եթե ցանկանում ենք բլոգը գովազդել IG-ում, կգրենք utm_source=ig_ads:

Օրինակ` https://dms.am/blog/UTM-Tags?utm_source=ig_ads

2. UTM_Medium․ հաջորդ բաղադրիչը գովազդի/արշավի նպատակը հստակեցնելու համար է:

Այս պարագայում մենք ցանկանում ենք, որ օգտատերը սեղմի մեր հղման վրա և որոշակի ժամանակ անցկացնի բացվող էջում, դրա համար էլ կգրենք utm_medium=lpv (landing page view):

Օրինակ` https://dms.am/blog/UTM-Tags?utm_source=ig_ads&utm_medium=lpv  

3. UTM_Campaign․ վերջին պարտադիր բաժինն արշավի անվանումն է։

Հաշվի առնելով, որ այս բլոգը UTM կոդերի մասին է, մենք այն կսահմանենք որպես utm_campaign=blog_UTM:

Օրինակ` https://dms.am/blog/UTM-Tags?utm_source=ig_ads&utm_medium=lpv&utm_campaign=blog_UTM

Բացի այդ, կարող եք օգտագործել ևս երեք բաժին՝ որպես տարբերակիչներ, որոնք պարտադիր չեն կոդն աշխատացնելու համար:

4. UTM_Term նշել վճարովի բանալի բառերը,

5. UTM_Content․ օգտագործել գովազդները տարբերակելու համար,

6. UTM_ID. ավելացնել գովազդի նույնականացման համարը

Եթե չեք ցանկանում ձեռքով իրականացնել այս «թեգավորման» գործընթացը, առաջարկում ենք կիրառել օգտակար Google Analytics URL Builder-ը (https://ga-dev-tools.web.app/campaign-url-builder/): Դուք ուղղակի պետք է մուտքագրեք անունները կամ նույնականացնող արտահայտությունները յուրաքանչյուր համապատասխան վանդակի մեջ, և վերջում գործիքը կտա Ձեզ ամբողջական հղումը:

Ինչու՞ ենք խորհուրդ տալիս օգտագործել UTM թեգեր

Ինչպես արդեն վերևում նշեցինք, եթե Ձեր արշավներում սկզբնական հղումը տեղադրեք, գաղափար չեք կարող կազմել՝ որտեղից են այցելությունները գալիս. նշանակում է, որ չեք կարող օպտիմալացնել արշավը: Վերջինս հանգեցնում է բյուջեի բավականին մեծ կորստի: Դրա փոխարեն, UTM կոդերը Ձեզ հնարավորություն են տալիս վերլուծելու արդյունքները, բարձրացնելու Ձեր արշավների արդյունավետությունը և վերջապես ստանալու ավելի շատ կոնվերսիա:

Եկեք տեսնենք, թե այն ինչպես է գործարկվում.

1. Իմացեք, թե այցելությունները որտեղից են գալիս:

Google analytics-ում կարող եք տեսնել Ձեր այցելությունների աղբյուրը referrals բաժնում: Եթե ավելացնեք utm_source-ը Ձեր հղմանը, Google-ը կդասակարգի այցելություններն ըստ դրանց աղբյուրի՝ «ուղղակի» այցելությունները ցույց տալու փոխարեն, ինչն ընդգրկում է հղման բոլոր սեղմումները:

2. Կարող եք տեսնել, թե մարդիկ ինչ հղումների են սեղմում:

Եթե Ձեր արշավը բաղկացած է զանազան ապրանքների/ծառայությունների գովազդումներից (օր․՝ տաբատ և վերնաշապիկ), կարող եք հետևել՝ որոնք ենք ավելի շատ սեղմումներ հավաքում՝ ավելացնելով utm_content-ը (=trousers, =shirts): Հետո, երբ անցնեք Google Analytics և բացեք All Campaigns-ը, կարող եք տեսնել, թե որ հղումներն են առավել սեղմում հավաքել:

3. Կարող եք խմբավորել այցելությունները medium-ի հիման վրա:

Դուք հնարավորություն ունեք Ձեր բիզնեսը գովազդելու տարբեր ձևերով, և utm_medium-ն օգնում է Ձեզ կա՛մ խմբավորել, կա՛մ տարբերակել դրանք իրարից: Օրինակ, ցանկանում եք հետևել առանց գովազդի (organic) և վճարովի այցելություններին: Սա նշանակում է, որ կավելացնեք տարբեր թեգեր տարբեր հղումների, որը կա՛մ կխմբավորի դրանք, կա՛մ կառանձնացնի իրարից: Օրինակ՝ կարող եք անվանել բոլոր վճարովի գովազդները որպես =paid, և բոլոր առանց գովադինները (organic) որպես =org, և վերջում հնարավորություն կունենաք տեսնելու՝ այդ սեղմումներից քանիսն են ձեռք բերվել առանց գովազդի և քանիսը գովազդային գործունեության արդյունքում: